• 8
    URR
    2019
    Elikadura eta nutrizioa tailerra Kontsumobideren eskutik

     

    URRIAK 8, ASTEARTEA, 18:30etan

    Gizarte etxeko areto nagusian

     

    KONTSUMOBIDEko Begoña Olabarrieta kontsumo hezitzailearen eskutik tailer teoriko praktikoa. Pertsona nagusiei zuzenduta. 

  • 6
    URR
    2019
    Jubilatuen eguna Ormaiztegin

     

    URRIAK 6, IGANDEA

     

    12:00 MEZA ORMAIZTEGIKO ANDER DEUNA ELIZAN

     

    14:00ETAN BAZKARIA MUJIKA JATETXEAN

     

    JARRAIAN BAZKALOSTEA ELUSTONDO ANAI-ARREBEKIN

  • 2
    URR
    2019
    2. herri bilera herriko jaiak antolatzeko

     

    Aurtengo lehenengo herri bilerak bildutako herritar taldea ikusita, jarraipena eman eta Jai Batzordea berraktibatzeko lehen pausua eman dugu.

     

    Datorren urriaren 2an, asteazkena, arratsaldeko 19:00etan bilduko da beste behin jai batzordea jaien antolaketan hurrengo pausuak emateko.

     

    Herriko elkarte, koadrila, eragile edota herritarrei guztiei ateak zabalik dituzue, animatu guztion artean jai herrikoiagoak antolatzera.  

  • 28
    IRAI
    2019

     

    EGITARAUA PDFan

     

    irailaren 20tik urriaren 20ra

    San Mielak Ormaiztin ARGAZKI ERAKUSKETA 

     

    irailaren 28an 


    09:00 Herrian zehar
    XXV. MENDI BIZIKLETA PROBA
    Izen-ematea: 08:15etan Udaletxean.
    Amaieran, hamaiketakoa eta oparien zozketa.
    Al finalizar, hamaiketako y sorteo de obsequios.

     

    11:00 Urbeltz zelaian
    FUTBOL3
    Izen-ematea 10:30ean.

     

    11:45 Karpan
    XXVIII. SAN MIGEL TOKA TXAPELKETA HERRIKOIA
    Izen-ematea 12:15ak arte.
    Sariak / Premios:
    1º Garaikurra eta arkumea / Trofeo y cordero. 2º Garaikurra eta legatza / Trofeo y merluza.

     

    Ondoren Berjaldegin
    XXIV. HARRIKALARI TXAPELKETA HERRIKOIA
    Errekorra: 28,95m. Borja Irizar (2.080 gr-ko harria) · 12,55m. Amaia Eskisabel
    Sariak / Premios:
    1º Garaikurra eta harriaren pisua txuletetan / Trofeo y peso de la piedra en chuletas.
    2º Garaikurra eta harriaren pisua odolkitan / Trofeo y peso de la piedra en morcillas.



    12:00etatik 15:00etara
    OSTO ETA ALE  taldea / Grupo OSTO ETA ALE.

     

    16:00 Eliz-atarian
    XXIX. SAN MIGEL MUS TXAPELKETA HERRIKOIA
    Izen-ematea 15:00etatik 15:45ak arte. Bikoteko 10€ por pareja.
    Sariak / Premios:
    1º Txapela, garaikurra, afaria eta bildutakoaren %50a / Txapela, trofeo, cena y el 50% de la recaudación.
    2º Garaikurra, gazta eta bildutakoaren %30a / Trofeo, queso y el 30% de la recaudación.
    3º Ardo kaxa eta bildutakoaren %20a / Caja de vino y el 20% de la recaudación.

     

    17:00 Plazan
    HAURRENTZAKO JOKOAK eta MERIENDA

     

    17:00-19:00 Plazan
    ROL ETA MAHAI JOKOAK

     

    17:45 Arbolarin
    XIII. SAN MIGEL PATATA TORTILLA TXAPELKETA
    IZEN-EMATEA irailaren 26a arte • 644 429 501 • kultura@ormaiztegi.eus
    Sariak / Premios: afaria KUKOn, mantalak eta Odolki eguneko epaimahaikide izatea.
    Delantales ofrecidos por el Museo Zumalakarregi, cena y ser jurado en el Odolki eguna.

     

    20:15 Karpan
    SAGARDO KUPELAREN IREKIERA

     

    21:00 Karpan
    AFARI HERRIKOIA
    Tiketak 3€tan tabernetan irailak 26a arte. Parrillak erabilgarri.
    Tickets a 3€ en los bares hasta el 26 de septiembre. Parrillas disponibles.

     

    Jarraian
    BENTA ZAHARREKO MUTIKO ALAIAK taldearekin KALE ANIMAZIOA

  • 23
    IRAI
    2019
    XIII. PATATA TORTILA TXAPELKETA

     

     

    IRAILAK 28, SAN MIGEL EGUNA

    17:45 Plazan

     

    XIII. SAN MIGEL PATATA TORTILLA TXAPELKETA


    Gehienez, 10 bikote (lehentasuna izen-ematearen arabera).


    Sariak: bikote irabazleari afaria KUKOn eta Zumalakarregi Museoak
    emandako mantala. Irabazleak ODOLKI EGUNEKO epaimahaikide izango dira.

     

    Irailaren 26a arte duzue izena emateko, ANIMATU!

    644 429 501 - kultura.ormaiztegi@gmail.com

  • 23
    IRAI
    2019
    Lan eskaintza

     

    Udalak langile bat kontratatu behar du, peoi kategorian, lanaldi osoan eta 4 hilabeteko iraupenez. 

     

     

    Ezinbesteko baldintzak: 

     

    · Peoi bezela esperientzia eta igeltsaritza, iturgintza eta elektrizitatean oinarrizko ezagutza. 

    · 2019. urteko ekitaldirako Lanbideko Enplegua sustatzeko tokiko ekintzen diru-laguntzaren deialdia (otsailaren 27ko ebazpena, 2019-03-19an, 1525. zk.arekin argitaratua) atxikiko da kontratazioa, beraz, LANBIDEN IZENA EMAN BEHARRA DAGO irailaren 30a aurretik. 

    · Goierri bailaran erroldatua egotea. 

     

    Baloratu beharreko baldintzak:

     

    · Euskararen ezagutza

    · Ormaiztegin erroldatua egotea

  • 11
    IRAI
    2019
    HERRI BILERA herriko jaiak antolatzeko

     

    Ormaiztegin urtero ospatzen ditugun Ander Deuna jai herritarrak antolatzeko herri bilera antolatu du bertako Jaiak, Kultura eta Euskara batzordeak.

     

    Datorren irailaren 11n, asteazkena, arratsaldeko 19:15etan Ormaiztegiko festetako batzordea bilduko da udaletxepean, eta bertaratzeko deia luzatzen diogu herriko kuadrila, gazte, elkarte, eragile eta laguntzeko prest egon daitekeen orori.
     

    Animatu!

  • 6
    IRAI
    2019
    Portada lehiaketa Ander deunaren Jaiak 2019

     

    Ormaiztegiko Ander Deuna jaietako egitarauaren portada aukeratzeko lehiaketa jarri du martxan Ormaiztegiko udalak. 

     

    LEHIAKETAREN OINARRIAK

     

    2019KO ORMAIZTEGIKO ANDER DEUNA JAIETAKO EGITARAUAREN PORTADA AUKERATZEKO LEHIAKETA O I N A R R I A K


    1.- Lehiaketa honetan edozeinek har dezake parte eta egile bakoitzak hiru lan aurkeztu ahal izango ditu gehienez.

     

    2.- Lehiaketako gaia Ormaiztiko Ander Deuna jaiak izango da, eta lanek "ORMAIZTIKO JAIAK 2019 ANDER DEUNA" testua izan beharko dute idatzita. Erabilitako irudiak generoen irudikapenean oreka bilatuko du, rol eta estereotipo tradizionalak azpimarratu gabe, eta sexu, arraza, adin, kultura edo sexu-aukeraren arloan diferentzien TRATAMENDU GUTXIESGARRIA SAHIESTUZ.

     

    3.- Edozein eratako lanak onartuko dira: collage-a, pintura, argazkia eta abar. Lanen neurria honako hau izango da: 21cm altueran x 22,5cm zabaleran, eta lan guztiei kartoi mehe bat (kartulina) jarriko zaie atzeko aldean 30 x 35cm-takoa.

     

    4.-Lanak inoiz argitaratu gabeak izan beharko dute, eta egilea nor den adieraz lezakeen inolako daturik agertu gabe aurkeztuko dira. Lanarekin batera, kartazal itxi batean, parte hartzailearen datuak, harremanetarako telefonoa, helbide elektronikoa eta NANren fotokopia bidaliko dira. Kartazalaren kanpoaldean hitz edo testu bat jarri beharko da, eta horixe bera jarri beharko da lanaren atzealdean.

     

    5.- Lanak 2019ko urriaren 2ko 15:00ak baino lehen aurkeztu beharko dira, ondoko helbidean: Ormaiztegiko Udala / Muxika Egurastokia 1, 20216 ORMAIZTEGI.

     

    6.- 300 euroko sari bakarra izango da. **

     

    7.-Lan irabazlea Udalaren eskuetan geldituko da, eta inprimatzeko, argitaratzeko, ezagutarazteko eta abarretarako eskubide guztiak berak izango ditu.

     

    8.- Saria eman gabe gera liteke, epaimahaiaren iritziz aurkeztutako lanek gutxienezko kalitate mailarik ez badute.

     

    9.-Epaimahaia antolatzaileek aukeratuko dute, eta bere erabakia aldaezina izango da. Epaimahaiaren erabakia sari banaketaren egunean jakinaraziko da, hau da, urriaren 23an, 12:30etan, Ormaiztegiko udaletxean.

     

    10.- Erakusketa egin ahal izango da lan irabazlearekin nahiz lehiaketara aurkeztutako gainerako lanekin edo horien artean Epaimahaiak aukeratutakoekin. Erakusketa urriaren 23tik abenduaren 1era bitartean egingo da Ormaiztegiko Gizarte Etxeko tabernan.

     

    11.- Saririk lortzen ez duten lanak urtarrilaren 13tik 24ra bitartean jaso ahal izango dira Udaletxean. Aipatutako epean lanak jaso ezean, egileak dituen eskubideei uko egiten diela ulertuko du Udalak, eta ondorioz, inolako eskubiderik aitortu gabe eta kalte-ordainik eman beharrik gabe, egoki irizten dion moduan erabili ahal izango ditu.

     

    12.- Lehiaketara aurkezte soilak baldintzok goitik behera onartzea dakar berekin.

     

    **12 urte baina gutxiago dituzten parte-hartzaileen artean hautatutako lan irabazlearen saria beste bat izango da.

     

    ARGIBIDE GEHIAGO KULTURA SAILEAN     

    kultura@ormaiztegi.eus    ·   644 429 501
     

  • 31
    ABU
    2019
    Liburutegia igerilekuan

     

    Urtero bezala, ekainaren 28a eta irailaren 2a bitartean, Ormaiztegiko liburutegiko haur, heldu, nahiz gazteentzako liburu sorta batek udal igerilekuan daude erabiltzaileen eskura. 

     

    IGERILEKUAN (PDF)

     

  • 31
    UZT
    2019
Banerrak
Banerrak
Banerrak
Banerrak

AZKEN IRUZKINAK

Boletina /