Pirinioetako Burdinaren Bidea ibilbideko zatia da Ormaiztegiko Trenzubia. Urtebete pasatxo da elkarte honek gaur duen forma hartu eta erakusketa ibiltaria abiatu zuela. Mutiloan ikusgai egon da azken asteetan, eta, abenduaren 1a bitartean Ormaiztegiko Gizarte Etxeko sarreran duzue zuen gozamenerako.

Erakusketa honen harira, hitzaldia antolatu dugu Zumalakarregi Museoak eta Udalak elkarlanean. Euskal Burdinbidearen Museoko zuzendari eta gaian aditua den Juanjo Olaizola izango dugu hizlari bertan, EL FERROCARRIL DEL NORTE, COLUMNA VERTEBRAL DE GIPUZKOA izenburua hartu duen saioan. 

Azaroaren 21ean, osteguna, arratsaldeko 18:30etan.