Ekainaren 27an, osteguna, arratsaldeko 17:30etan hasita, Ormaiztegiko eskalada taldeak ikastaro bat eskainiko du nahi duen guztiarentzat.

Parte hartu nahi izanez gero, Zubipe kiroldegira gerturatu, hitzordua bertan izango baita.

Ekainaren 25ean, asteartea, Jon Maiak zuzendutako eta Nazioen Mundua ekimenak bultzatutako "Gazta zati bat" dokumentala ikusteko aukera izango da, arratsaldeko 18:30etan, kultur aretoan.

Proiekzioa aurkeztera Nazioen Mundua taldeko kide bat etorriko da.

Dokumentalaren trailerra ikusi nahi?

Ekainaren 23an, urtero legez, San Joan bezpera dela eta, ospakizunak izango ditugu Ormaiztegin. Gaueko 21:00etan, tantaia jarriko da herri gunean, herriko trikitilariek alaituriko giroan, eta gaueko 22:00etan, San Joan sua piztuko da, Urretxuko zuhaitzaren soinua kolektiboko txalapartari bikote baten laguntzarekin.

Ekainaren 22an, arratsaldeko 15:30etan hasita, VII. Goierri beheko 10 udalen eskolaumeen pilota txapelketako partiduak izango dira Zubipe kiroldegian. 

Txapelketan parte hartzen duten herri guztietan izango dira partiduak. Ataunen, Idiazabalen adibidez, jokatu dira jada. Ormaiztegiko partiduak eta gero, Olaberria eta Lazkaokoekin amaituko da txapelketa.

Antolatzailea: Lazkao Antzar Pilota Kirol Elkartea (LAPKE).

Ekainaren 22an, larunbata, eguerdiko 12:00etan Ormaiztegiko Lorez 2013 lehiaketako sari banaketa egingo da udaletxeko areto nagusian. 

Lehiaketak herriko balkoi, leiho eta baserrietako sarrerak loreekin apainduz Ormaiztegiri itxura atseginagoa eta politagoa ematen dioten bizilagunak saritzea du helburu. 

Aurtengoan, kaleko balkoi eta leihoen artean hiru sari banatuko dira eta baserrien artean bat. Saritu bakoitzak diploma jasotzeaz gain, oparia eta Altzibar lorategian gastatzeko 50 €-ko bonoa eramango ditu.

SARITUAK IKUSTEKO KLIKATU

Ekainaren 21ean, apar festaren ondoren, Txindata musika eskolako ikasleek kurtso amaierako kontzertua eskainiko digute. Hitzordua arratsaldeko 18:30etan, eliz atarian izango da. 

Ekainaren 21ean, ostirala, azken eskola eguna dela eta, oporraldien hasiera ospatzeko apar festa egingo da arratsaldeko 15:00etan eskola kanpoaldean.

Urtero legez, ekainaren 8an, larunbata, Txotx afaria egingo da Barduliarrak elkartean.

Antolatzailea: Barduliarrak.